Zaporojye Atom Elektrik Stansiyasının ərazisində rus işğalçılarının hərəkətləri nəticəsində bir gün əvvəl başlayan yanğın dayandırılıb. 

Valyuta.az xəbər verir ki, bu barədə Dnepropetrovsk Vilayət Dövlət Administrasiyasının (VDA) sədri Sergey Lısak məlumat verib.

Onun sözlərinə görə, yanğının qeydə alındığı Nikopol rayonunda radiasiya səviyyəsi normaldır.

O, həmçinin əlavə edib ki, düşmən iki rayona hücum edib: onlar artilleriyadan atəş açıblar.

“Düşmən gecə yarısına qədər Nikopol bölgəsini vurmağa davam etdi", - Lisak yazdı.

Axşam saatlarında Nikopol vilayət hərbi idarəsi stansiyanın ərazisində böyük tüstü sütununun fotosunu yayıb. VDA rəhbəri bildirib ki, soyuducu qüllədə - suyun atmosfer havası ilə soyudulması üçün konstruksiyada yandırılan təkərlər yana bilər.

Ukrayna prezidenti Vladimir Zelenski Rusiyanın işğalı altında olan Zaporojye Atom Elektrik Stansiyasının ərazisində baş verən yanğına realsiya verib.

MAQATE ekspertləri ZAES ərazisində yanğın başlamazdan əvvəl çoxsaylı partlayış səsləri eşitdiklərini bildiriblər.

Rəsmi bəyanat Beynəlxalq Atom Enerjisi Agentliyinin X mikrobloqunda dərc olunub. Bildirilir ki, onların mütəxəssisləri axşam saatlarında “çoxlu partlayışlardan sonra Zaporojye Atom Elektrik Stansiyasının şimal zonasından güclü tünd tüstünün çıxmasının şahidi olublar”.

Nicat