Dünyaca məşhur idman geyim markası "Nike" Türkiyədə onlayn alış-verişi dayandırdığını açıqlayıb.

BAKU.WS Türkiyə KİV-ə istinadən xəbər verir ki, şirkət qərara səbəb kimi Türkiyənin gömrük qanunvericiliyində edilən dəyişiklikləri göstərib. Açıqlamada deyilir: ""Nike" bu proses zamanı istehlakçılarımızın sifarişlərinin problemsiz və vaxtında çatacağına zəmanət verə bilmədiyi üçün Türkiyədən onlayn sifarişləri hələlik dayandırır".

Qeyd edək ki, yeni qərarla Avropa Birliyi ölkələrindən gələn dəyəri 30 avronu (1099 TL) keçməyən məhsullara tətbiq edilən gömrük vergisi yüzdə 18-dən yüzdə 30-a qaldırılıb.