Avropa İttifaqı embarqo tətbiq etdikdən sonra Rusiya neft ixracını uğurla yeni bazarlara yönləndirib. 

Valyuta.az xəbər verir ki, vu barədə Rusiya Energetika və Maliyyə İnstitutunun (IEF) energetika üzrə baş direktoru Aleksey Qromov "RİA Novosti"yə müsahibəsində danışıb.

Ekspertin fikrincə, Rusiya neft şirkətləri sanksiyaların təşəbbüskarlarının özlərinin səmərəli idarəetməsi və uzaqgörənliyi sayəsində gəlirlərini qoruyub saxlaya biliblər. Qromov qeyd edib ki, Aİ-nin Rusiya neftinin və neft məhsullarının tədarükünə embarqo müvafiq olaraq 6 və 8 ay gecikmə ilə tətbiq edilib və bu, şirkətlərə logistikanı yenidən qurmaq və yeni bazarlar axtarmaq üçün vaxt verib.

"Şirkətlərimiz də bu vəzifənin öhdəsindən çox yaxşı gəldi", deyən Qromov vurğulayıb ki, Avropa bazarından tədarüklər əsasən Hindistan bazarına yönəldilib.

Ekspert sanksiyaların elanından dərhal sonra qüvvəyə minərsə, bunun Rusiya üçün kritik ssenariyə çevrilə biləcəyinə də diqqət çəkib:

"Bu vəziyyətdə şirkətlər ixracı tez bir zamanda yenidən quracaq və gəlirlərini itirəcəklər".

Qromov xatırladıb ki, ABŞ və Avropa İttifaqının ilk sektor sanksiyaları 10 il əvvəl, 2014-cü ilin iyulunda tətbiq edilib. Onlar maliyyə və enerji sektorlarına, eləcə də Arktika şelfində neft hasilatı üçün texnologiya və avadanlıqların təchizatına, dərin dəniz yataqlarına və şist layihələrinə təsir göstərib.

Paşa Məmmədli