Meksika və Avropa İttifaqı iqtisadi əlaqələri gücləndirmək, işgüzar əməkdaşlığı inkişaf etdirmək və ticarət əlaqələrini yaxşılaşdırmaq üçün Brüsseldə ikitərəfli Ticarət Palatası (MexChamEU) açıb. 

Valyuta.az xəbər verir ki, bu barədə Meksika Xarici İşlər Nazirliyinin bəyanatında deyilir.

"MexChamEU-nun yaradılması texnologiya, kənd təsərrüfatı, istehsal və bərpa olunan enerji kimi yüksək inkişaf potensialı olan sektorlara xüsusi diqqət yetirməklə ikitərəfli ticarəti gücləndirmək səylərini tamamlayır", - Meksika Xarici İşlər Nazirliyi qeyd edib. Ümid edilir ki, Ticarət Palatasının açılması ölkəyə əlavə investisiyalar cəlb edəcək.

Departamentin bəyanatında, həmçinin MexChamEU-nun kiçik və orta biznesin yeni bazarlara çıxması üçün dəstəklənməsinə xüsusi diqqət yetirəcəyi, həmçinin “ticarətin, investisiyaların artmasına və iqtisadi əməkdaşlıq üçün hər hansı maneələrin aradan qaldırılmasına kömək edən siyasətlər” həyata keçiriləcəyi bildirilir.

Nicat