Belarus hakimiyyəti 30-dan çox Avropa ölkəsinin vətəndaşları üçün vizasız rejim tətbiq etmək qərarına gəlib. 

Valyuta.az xəbər verir ki, bu barədə respublikanın sərhəd komitəsi özünün "Telegram" kanalında məlumat yayıb.

"Dövlət başçısının qərarı ilə Belarusa daxil olmaq üçün vizasız prosedur daha 35 Avropa ölkəsinin vətəndaşlarına şamil edilib", deyə mesajda qeyd edilir və qərarın hansı ölkələrə aid edildiyi açıqlanmır.

Qeyd olunur ki, əcnəbilər Belarusa daxil olduqları andan 30 gündən çox olmayaraq qala, habelə Rusiya istisna olmaqla istənilən üçüncü ölkəyə respublika ərazisindən gedə biləcəklər.

Yeni giriş proseduru iyulun 19-u saat 08:00-dan qüvvəyə minəcək.

Bundan əvvəl Belarus Latviya, Litva və Polşa vətəndaşları üçün vizasız rejim tətbiq edib. Bundan sonra Avropa İttifaqı bəyan edib ki, Belarus hakimiyyəti Avropa vətəndaşlarını öz agentləri kimi cəlb edir.

Belarus prezidenti Aleksandr Lukaşenkonun sözlərinə görə, qonşu Aİ ölkələrinin hakimiyyətləri artıq mübarizə aparmaq üçün əhəmiyyətli bir şey irəli sürə bilməzlər. O vurğulayıb ki, sərhəddə Belarusa gələn qonşu Aİ ölkələrinin vətəndaşlarını heç kim izləmir və ya işə götürmür.

Paşa Məmmədli