Donald Trampın kürəkəni Jared Kuşnerin rəhbərlik etdiyi “Affinity Partners” İsrailin “Phoenix Holdings” sığorta və maliyyə qrupunun payını almağa razılaşıb.

Valyuta.az xəbər verir ki, Mayamidə yerləşən özəl kapital şirkəti “Phoenix”in 4,95%-ni “Centerbridge Partners” və “Gallatin Point Capital”dan alacaq. 

“Affinity” həmçinin İsrailin tənzimləyici orqanının icazəsi ilə əlavə 4,95% pay almağa razılaşıb. “Bloomberg” sövdələşməni 128,5 milyon dollar qiymətləndirib.

Agentlik qeyd edir ki, “Centerbridge” və “Gallatin Point Phoenix”in ən böyük səhmdarı, 31%-dən bir qədər çoxuna sahib olan “Belenus Lux”a nəzarət edir. 

Firmalar paylarının bir hissəsini digər investorlara, o cümlədən İsrailin qaz istehsalçısı “Delek Group”a satırlar və “Affinity” sazişinin ikinci tranşı keçərsə, onların payı təxminən 10%-ə düşəcək.

“Belenus Lux” öz payını hər səhm üçün 37,5 NIS-ə satır ki, bu da “Phoenix”in son bağlanış qiymətindən 4% aşağıdır. Çərşənbə axşamı, iyulun 16-da onun səhmləri təxminən 3% ucuzlaşıb.

Müqavilə baş tutsa, bu “Affinity”nin İsrailə ikinci sərmayəsi olacaq, keçən ildən sonra “Shlomo Group”un avtomobil və kredit bölməsində 15% payı 110 milyon dollara alıb.

Qeyd edək ki, Kuşner keçmiş prezident və 2024-cü ildə prezidentliyə namizəd Donald Trampın kürəkənidir. O, Ağ Evin baş məsləhətçisi olub. Kuşner 2020-ci ildə İsraillə bəzi ərəb ölkələri arasında münasibətləri normallaşdıran Abraham Sazişində əsas rol oynayıb. Hökumət ofisindən ayrıldıqdan sonra Kuşner 3 milyard dollardan çox aktivləri olan “Affinity” şirkətini qurub.

Nicat