"American Express" ödəniş sisteminin Rusiyadakı törəməsi olan "American Express Bank" ləğv olunmaq üçün müraciət edib. 

Valyuta.az xəbər verir ki, Bu barədə “Kommersant” SPARK sisteminin məlumatlarına istinadən yazıb. 

Şirkətin ləğvi proseduruna başlamaq üçün ərizə iyulun 4-də verilib.

"American Express Bank" Rusiyada 2008-ci ildən fəaliyyət göstərir və "American Express" Qlobal Korporativ Ödənişlər biznes xəttinin bölməsidir. "American Express"in Rusiyadakı törəmə şirkəti Rusiya prezidentinin fərmanı ilə ayrılmış, Rusiya Federasiyasında biznesini satmayan, lakin lisenziyasını könüllü olaraq təhvil verən xarici iştiraklı 45 bankın siyahısından birincisi olub.

Bank 2022-ci ilin martında Ukraynada hərbi əməliyyatların başlaması ilə əlaqədar fəaliyyətini dayandırıb. Həmin ay Rusiya Bankı ödəniş sistemini müvafiq reyestrdən çıxarıb. 2024-cü ilin mayında Rusiya prezidenti Vladimir Putin "American Express" törəmə şirkətinin könüllü ləğv edilməsinə icazə verən fərman imzalayıb.

Paşa Məmmədli