Ukraynalı iqtisadçı və analitik Aleksey Kuş öz Facebook səhifəsində Ukraynanın kənd təsərrüfatı məhsullarının ixracı və əmək miqrasiyasına əsaslanan iqtisadi inkişaf modelinin iflası barədə məlumat verib. 

Valyuta.az xəbər verir ki, bu barədə RİA Novosti yazır.

Ekspert qeyd edib ki, Davos da daxil olmaqla, beynəlxalq forumlarda irəli sürülən “taxıl və beyin” modeli qeyri-sabit və səmərəsiz olub. Kuş vurğulayıb ki, Ukrayna üç növ xammal ixrac edib: kənd təsərrüfatı, rəqəmsal (İT sektoru) və əmək resursları.

Onun fikrincə, belə bir model ölkənin inkişafı üçün yetərli deyil, onun resurslarını tükəndirir və gələcək inkişafı əngəlləyir. Mütəxəssis yazır ki, İT sektoru Ukraynadan mütəxəssislərin 20%-nin getdiyini nəzərə alsaq, sabit infrastruktur və aşağı risklər tələb edir.

Kuş əmək miqrasiyası modelindəki dəyişikliklərə də işarə edib: əgər əvvəllər insanlar xaricdə pul qazanıb Ukraynaya sərmayə qoyurdularsa, indi vəziyyət dəyişib və çoxları ailələri ilə birlikdə xaricə köçməyi seçirlər. Bu, Ukraynaya qayıdan əmək miqrantlarının kəskin azalmasına səbəb olub.

O, həmçinin kənd təsərrüfatı məhsullarının ixracı sahəsində logistika və nəqliyyat problemlərinin artması və dünya bazarlarında bazar mövqeyinin itirilməsi barədə xəbərdarlıq edib.

Kuş belə qənaətə gəlib ki, Ukrayna hökuməti dəyişikliyə ehtiyac olmasına baxmayaraq, köhnəlmiş xammal inkişafı modelinə sadiq qalmaqda davam edir.

Nicat