ABŞ Dövlət Departamentinin dəstəyi, Ventures Well-in təşkilatçılığı ilə Cənubi Qafqaz ölkələri üçün 5 həftəlik akselerasiya proqramı keçirilib. Akselerasiya proqramında Azərbaycandan 6, Ermənistandan 6 və Gürcüstandan 8 startap iştirak edib. 

Aprel ayının 19 və 20-sində Gürcüstanın Tibilisi şəhərində proqramın açılışı olub. Daha sonra ABŞ Dövlət Departamentinin təyin etdiyi mentorlar startaplara onlayn təlimlər keçiblər. Proqram müddətində hər ölkə üzrə bir yerli mentor da startaplara dəstək göstərib. Azərbaycan üzrə SUP VC şirkətinin dəstəyi ilə Vüsal Kərimli startaplara təlimlər keçib. Təlimlərin sonunda, Tibilisi şəhərində DemoDay tədbiri keçirilib. DemoDay-də çıxış edən Azərbaycan startapı Ateshgah proqramın qalibi olub. Ateshgah startapı qalibiyyətlə bağlı 5.000 dollar mükafat əldə edib.

Daha öncə Teknofest-də qalib olan startap günəş panellərinin qızmamasının qarşısını alan xüsusi maddə hazırlayır. 

Qeyd edək ki, proqram Azərbaycan üzrə SUP VC şirkətinin dəstəyi ilə həyata keçirilib. SUP VC Ventures Well-in Azərbaycan üzrə partnyorudur.

Tech.az