Avstraliya Rusiyanın dondurulmuş aktivlərini Kiyevə ötürməyəcək. 

Valyuta.az xəbər verir ki, bu barədə baş nazirin müavini Riçard Marles ABC radiosunda məlumat verib.

Lakin o, Avstraliyada dondurulmuş Rusiya aktivlərinin dəqiq məbləğini açıqlamaqdan imtina edib. O, əmin edib ki, bu, mətbuatda danışılanlardan mütləq kiçikdir. Avstraliya nəşrləri bunun təxminən 6 milyard dollar ola biləcəyini bildirib.

O əlavə edib ki, bu aktivlərin müsadirə edilməsi və daşınması ilə bağlı konstitusiya problemləri var. Siyasətçi qeyd edib ki, Avstraliya yeni anti-Rusiya sanksiyaları tətbiq etməyə və Rusiya Federasiyasına müdaxilə etməyə davam edəcək, lakin hüquqi əsaslarla.

Daha əvvəl bildirilmişdi ki, G7 Rusiyaya qarşı iqtisadi və maliyyə sanksiyalarını gücləndirməyi gözləyir, məqsədlərdən biri də Rusiyanın enerji ixracından əldə etdiyi gəliri azaltmaq olacaq.

Mayın 24-də yüksək səviyyəli avropalı mənbə bildirib ki, Avropa İttifaqı ölkələrinin xarici işlər nazirləri 14-cü anti-Rusiya sanksiyalar paketini müzakirə edəcəklər.

Paşa Məmmədli