ABŞ və digər Qərb ölkələrinin proteksionist tədbirləri bərpa olunan enerji sektorunu təqib edəcək ən qabaqcıl texnologiyaların tətbiqinə mane olur. 

Valyuta.az xəbər verir ki, bunu Financial Times (FT) qəzetinə müsahibəsində Çinin Arctech Solar şirkətinin rəhbəri Çjou Şijun deyib.

Çinin ən böyük günəş avadanlığı qruplarından birinin rəhbəri Qərb hökumətlərini “ən yaxşı texnologiyanın qalib gəlməsinə icazə verməyə” çağırıb. Onun fikrincə, sənaye “geosiyasi gərginlik”dən mənfi təsirlənir.

Qlobal günəş enerjisi istehsalının 80%-dən çoxu Çinin payına düşür, FT qeyd edir ki, bu, illərdir hökumət sərmayəsi, güclü daxili rəqabət və son illərdə yaşıl texnologiyalara daxili tələbatın sürətli artımının nəticəsidir.

Keçən həftə ABŞ Çindən idxal edilən elektrik avtomobilləri və günəş panelləri də daxil olmaqla idxal rüsumlarını kəskin şəkildə artırıb. Ağ Evin sözlərinə görə, tədbirlər “Çini texnologiya transferi, əqli mülkiyyət və innovasiya ilə bağlı ədalətsiz ticarət təcrübələrini aradan qaldırmağa təşviq etmək” məqsədi daşıyır. 

Söhbət 18 milyard dollar məbləğində rüsumlardan gedir.

Çinin xarici işlər naziri Vanq Yi ABŞ-ın birtərəfli sanksiyalarını və Çindən gələn mallara rüsumları artırmasını “müasir dünyada tipik zorakılıq və qəzəb” nümunəsi adlandırıb. 

Nicat