İctimai iaşə obyektləri, kafe və restoranlar hansı vergiləri ödəməlidirlər?

Valyuta.az bu barədə vergi məsələləri üzrə ekspert Nahid Tağıyevin şərhini təqdim edir: 

“İctimai iaşə fəaliyyəti göstərən şəxslərin 12 aylıq dövriyyəsi 200 min manatı keçmədiyi halda, 2% dərəcə ilə sadə vergi ödəyicisi ola bilər. Bundan başqa, könüllü şəkildə ƏDV ödəyicisi kimi qeydiyyatdan keçə bilər.

İctimai iaşə fəaliyyəti göstərən şəxslərin 12 aylıq dövriyyəsi 200 min manatı keçərsə, həmin şəxs 8% dərəcə ilə sadəc vergi ödəyicisi olaraq qala bilər. Sadə vergi hüququndan istifadə etmədikdə məcburi şəkildə ƏDV məqsədləri üçün qeydiyyatdan keçir. 

Qeyd edək ki, bu fəaliyyətlə məşğul olan hüquqi şəxslər və fərdi sahibkarların ardıcıl 12 aylıq dövriyyəsi 200 min manatı keçdiyi halda, sonrakı ayın birindən etibarən 10 gün ərzində fəaliyyətlərini sadələşdirilmiş vergi ödəyicisi kimi davam etdirəcəkləri barədə vergi orqanına yazılı formada ərizə təqdim etməlidirlər. 
Əks təqdirdə 10 gün müddətində ƏDV-nin məqsədləri üçün qeydiyyata alınmaq barədə ərizə verirlər”.

Əvəz Həsənov