Madrid İcması İspaniyanın paytaxtında məskunlaşan və sərmayə qoyan əcnəbilər üçün regional şəxsi gəlir vergisini ləğv edəcək "Mbappe Qanunu" adlanan qanunun təsdiqini nəzərdən keçirir.

Valyuta.az xəbər verir ki, bu barədə "El Nacional"da məlumat yer alıb. 

Bu, 2005-ci ildə "Mançester Yunayted"in məşhur ingilis yarımmüdafiəçi Devid Bekhemlə müqavilə bağladıqdan iki il sonra tətbiq edilən "Bekhem Qanunu"nu xatırladır. Bu qanun İspaniyaya işləmək üçün köçən əcnəbilərə qazancından asılı olmayaraq 24% sabit fərdi gəlir vergisi ödəməyə imkan verən qanundur.

Beləliklə, qanun qəbul edilərsə və "Real" Mbappe ilə müqavilə imzalayarsa, fransız ulduz şəxsi gəlir vergisinin 24,5%-ni vergi kimi ödəyəcək. Bu da ildə 12-18 min avroya qədər qazanan yerli vətəndaşların ödədiyi məbləğdən cəmi 2% çoxdur.

İspan mətbuatında yazılanlara görə, Mbappe "Real"la müqaviləyə imza atsa, mövsüm ərzində təxminən 30 milyon avro qazanacaq. Buna görə də o, 20.000 avro qazanan yerli vətəndaşla eyni şəxsi gəlir vergisini ödəyəcək.

Elmir