Opora Rossii-nin vitse-prezidenti Nikolay Dunaev bildirib ki, Rusiya Federasiyasından Qazaxıstana pul köçürmələri gecikmələrlə həyata keçirilməyə başlayıb, çətinliklər ciddi olub, ödənişlər həftələrlə “ilişib”. 

Valyuta.az xəbər verir ki, bu barədə “İzvestiya ” qəzeti məlumat yayıb.

Nəşr qeyd edir ki, bu, respublika banklarının ikinci dərəcəli sanksiyaların mümkün tətbiqindən maksimum dərəcədə qorunmaq istəməsi ilə bağlıdır. Buna görə də Qazaxıstanın kredit təşkilatları Rusiyadan ödənişləri qəbul etmək istəmir, Dunayev vurğulayıb.

“Milli Ödəniş Şurası” (NPC) Ödəniş Xidmətləri Bazarı İştirakçıları Assosiasiyasının İdarə Heyətinin sədri Aleksandr Linnikovun sözlərinə görə, çətinliklər 2024-cü ilin yanvarında başlayıb, sonra əməliyyatların vaxtı əhəmiyyətli dərəcədə artıb.

O vurğulayıb ki, əvvəllər bu ödənişlər kifayət qədər tez emal olunurdusa, indi onların emalı təxminən iki-üç həftə çəkir. Linnikovun sözlərinə görə, bu onunla bağlıdır ki, hazırda xarici kredit təşkilatları öz “sanksiya” risk və təhdidlərinin mümkünlüyünü müəyyən etmək üçün müştəri əməliyyatlarını dərindən yoxlayır.

Bundan əvvəl Qazaxıstan Milli Bankı yerli bankların Rusiyanın Mir kartlarına xidmətdən kütləvi şəkildə imtina etməsi ilə bağlı vəziyyəti şərh edərək bildirmişdi ki, kredit təşkilatları bu və ya digər ödəniş sistemini dəstəkləməyə müstəqil qərar verirlər.

Nicat