Dünyanın ən əhəmiyyətli texnologiya şirkəti “Apple”ın rəhbəri Tim Kuk, sahib olduğu təxminən 200 min şirkət səhmini satıb.

Valyuta.az xəbər verir ki, satılan səhmlərin dəyərinin 33,2 milyon dollara bərabər olduğu bildirilib. Vergilərdən sonra Kuk satışdan təqribən 16,4 milyon dollar gəlir əldə edib. Lakin bu satışların səbəbi təbii ki məlum deyil.

Bundan əvvəl “Apple”ın rəhbəri səhmdarları bilərəkdən çaşdırdığı iddiası ilə məhkəməyə verildiyi və 490 milyon dollar ödəməyə razı olduğu bildirilirdi.

İş adamı 2018-ci ildə “Apple”ın Türkiyə, Hindistan, Braziliya və Rusiya kimi yerli valyutaların zəiflədiyi bazarlarda təzyiqlə üzləşdiyini, lakin Çini bu siyahıya daxil etmədiyini söyləyib. Bununla yanaşı 2019-cu ilin yanvarında “Apple”ın səhmləri və gəlirləri düşdü. Kuk bu enişin səbəbi kimi Çindəki geriləməni göstərdi. O, gəlir itkisini xüsusilə Çində “iPhone”ların satışının gözləniləndən aşağı olması ilə əlaqələndirdi və bunun ciddi problem olduğunu sübut etdi. 

İnvestorlar Kukun 2018-ci ilin noyabrında qazanc danışıqları zamanı Çində “iPhone” tələbinin azaldığını bildiyini, lakin bunu gizlətdiyini iddia ediblər. Bu səbəbdən bəzi investorlar tərəfindən Kuka qarşı iddia qaldırılıb və son mərhələdə “Apple” bu prosesi daha da uzatmamaq üçün 490 milyon dollarlıq cəriməni qəbul edib. 

Elmir