Vertolyot qəzasında həlak olan məşhur basketbolçu Kobe Brayntın üzüyü hərracda rekord qiymətə satılıb.

Valyuta.az xəbər verir ki, üzük hərracda satılan ən bahalı NBA titul əşyasıdır və mart ayında keçirilən "Goldin Auction"s tərəfindən keçirilən "Mart Elite Auction "da 927,200 dollara satılıb. Tender şənbə gecəsi bağlanıb və alıcının kimliyi açıqlanmayıb.  Bu, oyunçunun hədiyyə etdiyi ən bahalı üzükdür. Zinət əşyasını Kobe atası Co Braynta hədiyyə etmişdi.  O, keçmiş basketbolçunun 2000-ci ildə çempionluq üçün aldığı üzüyün ikinci nüsxəsi idi. Co Braynt onu 2013-cü ildə, Kobe hələ liqada olarkən 173.000 dollara elə "Goldin Auction"ın nümayəndəsinə satmışdı. Bu da həmin zamanlar üçün rekord qiymət sayılırdı. Bu rekordu qıran təklif isə martın 26-da gəldi. Üzüyün qiyməti 151.000 dollar oldu. Ancaq "Goldin Auction"un 22% alıcı mükafatından sonra həmin məbləğ 184.220 dollara yüksəlmişdi.  

Hərracın son günündə isə ən çoxu 760.000 ABŞ dolları olmaqla ümumilikdə 19 təklif verildi. "Goldin Auction"un rəhbərliyi üzüyün ictimaiyyətə satılan ən bahalı Braynt mükafatı olduğunu deyib.  Ən bahalı basketbol üzüyünün əvvəlki rekordu "Boston Celtics"in mərhum əfsanəsi Bill Rasselə məxsus idi. Onun üzüyü 2021-ci ildə 705.000 dollara satılmışdı.

İstənilən idman növü üzrə satılan ən bahalı üzük "New York Yankees"in əfsanəsi Babe Ruta məxsus olub. Onun 1927-ci ildə qazandığı titul üzüyü 2017-ci ildə "Lelands" tərəfindən keçirilən hərracda 2,1 milyon dollara satılıb. Rutun üzüyünün əvvəlki sahibi Aktyor Çarli Şin olub.

40 brilyantdan ibarət 14 karatlıq qızıl əşyası olan Braynt üzüyünə ümumilikdə 43 təklif verilib. Hərracda Braynta məxsus digər əşyalar arasında onun 2009/10 mövsümündə geyindiyi forma da var.  Bu, Brayntın 1996-cı ildə ticarət yolu ilə əldə etdiyi, 20 illik karyerası ərzində "Los Angeles Lakers" ilə qazandığı beş çempionluqdan birincisinin simvolu idi. 

Braynt 2020-ci ilin yanvarında vertolyot qəzasında həyatını itirib.

Elmir