Stiv Cobsun 1983-cü ildə imzaladığı vizit kartı hərracda 181 min 183 dollara satılıb.

Valyuta.az xarici mediaya istinadən xəbər verir ki, Stiv Cobsun özünün imzaladığı köhnə çeklər və vizit kartları bu gün hərracda minlərlə dollara satıla bilər.

Bu vizit kartlara yenisi də əlavə edilib. "RR Auction" tərəfindən təşkil edilən hərracda 1983-cü ildə Stiv Cobsun imzası olan vizit kartı rekord qiymətə satılıb. Cümə axşamı günü başa çatan hərracda Jobsun imzalı vizit kartı 181 min 183 dollara (308 min manat) satılıb.

"RR Auction" tərəfindən paylaşılan məlumata görə, 3,5x2 ölçüdə olan vizit kartında “Stiv Cobs, İdarə Heyətinin sədri” ifadəsi və "Apple"ın o zamankı ünvanı yer alır. Vizit kartında göy qurşağı rəngli "Apple" loqosu və qara mürəkkəblə Stiv Cobsun imzası da var.

Əvəz