Dünyanın əsas məişət texnikası istehsalçıları paralel idxal vasitəsilə öz məhsullarının Rusiyaya tədarükünü aktiv şəkildə əngəlləməyə başlayıblar.

Valyuta.az xəbər verir ki, bu barədə “Kommersant” məlumat yayıb. Nəşrin məlumatına görə, digər ölkələrdəki tərəfdaşları ilə Electrolux, Tefal, Braun və Rowenta şirkətləri elektronikanın Rusiya Federasiyasına təkrar ixracına moratorium imzalayıb. M.Video-Eldorado qrupunun baş icraçı direktoru Sergey Li bildirib ki, Electrolux məhsulları artıq pərakəndə satış şəbəkəsində “məhdud həcmdə” təqdim edilib.

Bundan əvvəl Sənaye və Ticarət Nazirliyi paralel idxal olunan malların siyahısını yeniləyib. Xarici müəllif hüquqları sahibləri tərəfindən əqli hüquqların müdafiəsi tələblərinin tətbiq olunmadığı məhsulların siyahısına nasoslar, ventilyatorlar və kompressorlar (Soler & Palau, Vortice, Air System), mədən avadanlıqları (Dewalt, Epiroc, Husqvarna), həmçinin kosmetika, ətriyyat və geyim istehsal edən brendlər əlavə edilib.

Nicat