Neft İxrac Edən Ölkələr Təşkilatı (OPEC) və Beynəlxalq Enerji Agentliyinin (IEA) 2024-cü ildə neftə tələbat artımı ilə bağlı proqnozları arasındakı uyğunsuzluq 2008-ci ildən bəri ən yüksək səviyyədə olub. 
Valyuta.az xəbər verir ki, bu, Reuters-in apardığı araşdırmanın nəticəsidir.

Beləliklə, Reuters xatırladır ki, qlobal neft bazarının vəziyyəti ilə bağlı fevral hesabatında İEA 2024-cü ildə tələbatın sutkada 1,22 milyon barel (b/d), OPEC isə analoji hesabatda 2,25 milyon barel artacağını proqnozlaşdırmışdı. Proqnozlar arasındakı fərq qlobal neft tələbinin təxminən 1%-ni təşkil edib.

Agentlik 2008-ci ildən bəri İEA və OPEC-in aylıq hesabatlarından neftə tələbat artımı ilə bağlı proqnozları təhlil edib. Təhlil üçün müddətin seçilməsi Reuters tərəfindən izah edilir, çünki bu illər 2008-ci ildəki maliyyə böhranından 2020-ci ilin pandemiyasına və sonradan tələbin bərpasına qədər “həddindən artıq qeyri-sabitlik” ilə xarakterizə olunur. Reuters-in 16 il ərzində bütün hesabatlarının təhlilindən belə çıxır ki, 2024-cü ilin fevralında neftə tələbatın sutkada 1,03 milyon barel artımı ilə bağlı proqnozdakı uyğunsuzluq seçilmiş dövr üçün ən böyüyü olub.

Reuters həmçinin neftə tələbat artımı ilə bağlı proqnozlarını verən 26 analitik arasında sorğu keçirib. Agentlik vurğulayır ki, onların əksəriyyəti İEA-nın nöqteyi-nəzərini dəstəkləyir və 2024-cü ildə göstəricinin orta hesabla 1,5 milyon barel artacağını görür.

Eyni zamanda, sorğuda iştirak edən analitiklərin əksəriyyəti İEA-nın proqnozlaşdırdığı kimi, neftə tələbatın 2030-cu ildə pik həddə çatmayacağına inanır. Beləliklə, Reuters-in qeyd etdiyi kimi, analitiklər OPEC-in 2045-ci ilə qədər uzanan ən uzunmüddətli proqnozunda neft tələbinin pik həddə çatacağını gözləməyən fikirləri dəstəkləyir. 

Nicat