Donald Tramp bu il keçiriləcək prezident seçkilərində qalib gəlsə, bir sıra dövlətlərin de-dollarizasiya yolu ilə getmək istəyinin qarşısını alacaq və Amerika dollarından imtinaya imkan verməyəcək.

Valyuta.az xəbər verir ki, ABŞ-ın keçmiş prezidenti bu barədə CNBC telekanalının efirində bildirib.

"Ölkələrin dollardan imtina etməsinə icazə verməyəcəyəm", deyə Tramp qeyd edib.

Siyasətçinin fikrincə, Vaşinqton bu standartı itirərsə, "inqilabi müharibəni" itirməli olacaq və ABŞ-a zərbə dəyəcək. Onun fikrincə, ABŞ buna imkan verə bilməz. Keçmiş prezident əlavə edib ki, indi çoxlu ölkə dollardan uzaqlaşmaq üçün mübarizə aparır.

Paşa Məmmədli