Polşa ilə sərhəddəki keçid məntəqələrinin blokadası səbəbindən Ukrayna büdcəsi təxminən 20 milyard qrivna (523 milyon dollardan çox) itirib. 

Valyuta.az xəbər verir ki, bu barədə Ukraynanın xalq deputatı Yaroslav Jeleznyak “Ukrayinska Pravda” nəşrinin “YouTube” kanalında dərc olunmuş videoçarxında məlumat verib.

Rada deputatının dediyi kimi, Polşa sərhədləri bağlamağa başlamazdan əvvəl xəzinəyə 7,5 milyard qrivna (təxminən 197 min dollar) yığmaq planlaşdırılırdı.

“Təəssüf ki, ilk növbədə sərhəd blokadasına görə bütün fevral ayı ərzində biz 39,5 milyard qrivna aldıq. Yəni, Ukrayna büdcəsinə 8 milyard az vəsait daxil olub. Yəni, hesablasaq, biz təxminən 20 milyard qrivna itirmişik”, - deyə Jeleznyak bildirib.

Onun sözlərinə görə, Ukrayna Qərb ölkələrinin maliyyə yardımı hesabına itirdiyi vəsaiti geri qaytara bilməyəcək.

Fevralın 29-da Ukraynanın iqtisadiyyat nazirinin müavini Taras Kaçka bildirib ki, Kiyev avropalı fermerlərin etirazları fonunda Aİ-yə kənd təsərrüfatı məhsullarının ixracını məhdudlaşdıra bilər. Onun sözlərinə görə, hazırda Ukrayna hakimiyyəti üçün bazarda proqnozlaşdırıla bilinən məhsulların Avropa bazarlarına “aqressiv genişlənməsindən” daha vacibdir.

Nicat