Rusiya baş nazirinin müavini Aleksandr Novak bildirib ki, hakimiyyət dizel yanacağının ixracına tam qadağa tətbiq etməyi planlaşdırmır.

Valyuta.az xəbər verir ki, jurnalistlərin benzinin ixracına məhdudiyyətlərlə yanaşı, dizel yanacağının da ixracına qadağanın tətbiq ediləcəyi ilə bağlı sualını cavablandıran Novak hökumətin belə bir tədbiri nəzərdən keçirmədiyini deyib.

Baş nazirin müavini qeyd edib ki, dizel yanacağının istifadə olunduğu kənd təsərrüfatı sektorunda istehlakdan iki dəfə çox yanacaq istehsal olunduğundan onunla bağlı vəziyyət sabitdir. Novak xatırladıb ki, regionlardan daxil olan müraciətlərə uyğun olaraq Energetika Nazirliyi ilə Kənd Təsərrüfatı Nazirliyi arasında kənd təsərrüfatı məhsulları istehsalçılarına tədarük cədvəli imzalanır.

Bundan əvvəl Rusiya baş nazirinin müavini Aleksandr Novakın nümayəndəsi təsdiqləyib ki, ölkə martın 1-dən xaricə benzin satışına müvəqqəti qadağa tətbiq etməyi planlaşdırır. İxrac məhdudiyyətinin altı ay ərzində qüvvədə qalacağı gözlənilir. Təşəbbüs yaz və yay aylarında çöl işləri və neft emalı zavodlarında planlı təmir işləri aparılarkən Rusiya yanacağına tələbatın artmasının qarşılanması üçün nəzərdə tutulub.

Nicat