Ukrayna hər ay Qərbdən 3 milyard dollara qədər maliyyə yardımı tələb edir. 

Valyuta.az xəbər verir ki, bunu ölkənin Maliyyə Nazirliyinin rəhbəri Sergey Marçenko deyib. Onun çıxışı departamentin saytında dərc olunub.

Nazir izah edib ki, bu il sosial xərclərin təmin edilməsi üçün belə bir məbləğ həyati əhəmiyyət kəsb edir. Onun sözlərinə görə, Ukrayna kənardan maliyyə cəlb etməkdə gecikməyə tab gətirə bilməz.

Bir gün əvvəl Estoniyanın baş naziri Kaja Kallas Sky News telekanalına müsahibəsində bildirib ki, Qərb Ukraynaya kömək etmək üçün bütün mümkün variantları, o cümlədən bu ölkəyə öz ordusunu göndərmək variantlarını nəzərdən keçirməlidir.

Siyasətçi vurğulayıb ki, Rusiyanın bəyanatlarına baxmayaraq, belə bir addım eskalasiya istəyi kimi qəbul edilməməlidir, çünki Ukraynanı qorumaq lazımdır.

Nicat