Rusiya Federasiyasından benzinin ixracına müvəqqəti qadağa Rusiyadan neft məhsulları idxal edən Türkiyəyə ciddi təsir göstərə bilər. 

Valyuta.az xəbər verir ki, bu barədə “Ekonomim” qəzeti Rusiya hökumətinin 2024-cü il martın 1-dən altı ay müddətinə benzin ixracına müvəqqəti qadağa tətbiq etmək planları ilə bağlı yaydığı məlumatda qeyd edib.

Qəzet qeyd edir ki, qadağa təkcə benzinə deyil, “neft məhsullarının ixracına” şamil edilir. Qeyd olunur ki, 2023-cü ilin yanvar-noyabr aylarında Türkiyə Rusiya Federasiyasından neft məhsulları idxalını 200% artırıb və daha sərfəli alış qiymətləri hesabına 2 milyard dollardan çox qənaət edib.

Söhbət 13 milyon ton neft distilləsindən gedir. O cümlədən Türkiyə Rusiyadan 8,6 milyon ton kükürdlü dizel yanacağı alıb. Respublika həmçinin Rusiya Federasiyasından soba mazutu, aviasiya və dəniz yanacağını alır. Nəşrin yazdığı kimi, 2024-cü ildə Rusiya neft məhsullarının alış həcmini daha da artırmaq planları var.

Daha əvvəl Rusiya baş nazirinin müavini Aleksandr Novakın nümayəndəsi və Nazirlər Kabinetinin mətbuat xidməti TASS-a bildiriblər ki, Rusiya hökuməti artımı kompensasiya etmək üçün 2024-cü il martın 1-dən altı ay müddətinə benzin ixracına müvəqqəti qadağa tətbiq etməyi planlaşdırır. Digər tədbir isə birjada dizel satışı standartının 16%-ə çatdırılması ola bilər. Məhdudiyyət Aİİ ölkələrinə, həmçinin Cənubi Osetiya, Abxaziya, Monqolustan və Özbəkistana şamil edilməyəcək. Benzinin ixracına qadağa həm də daxili mühərrik yanacağı bazarında qiymət konyukturasını sabitləşdirmək üçün ötən il sentyabrın 21-dən noyabrın 17-dək qüvvədə olub.

Nicat