Valday Beynəlxalq Diskussiya Klubunun Rusiya, Çin və Hindistandan olan analitikləri 2040-cı ilə qədər dünyanın texno-iqtisadi bloklara bölünəcəyini proqnozlaşdırıblar. 

Valyuta.az xəbər verir ki, bu barədə RBC “Sifariş 2040: gələcək dünya nizamına gənc nəslin baxışı” hesabatına istinadən yazır.

Tədqiqatçıların fikrincə, 2040-cı ilə qədər dövlətin rolu əhəmiyyətli dərəcədə dəyişəcək və hegemon dövlət olmadan suverenlik ölkələr üçün “qıt əmtəə”yə çevriləcək. Bundan əlavə, dünya iqtisadiyyatı daha çevik olacaq və yaranan böhranlara tez reaksiya verəcək.

Qeyd olunur ki, əsas dövlətlər - Rusiya, Çin və ABŞ ətrafında qondarma texno-iqtisadi bloklar formalaşacaq. Onlar müəyyən bir dövlətə mənsub olmaqdan imtina edən insanlar tərəfindən doldurulacaq. Onların seçimi bu cür blokların təmin edə biləcəyi siyasi və iqtisadi üstünlüklərə əsaslanacaq. Əsas sual budur ki, belə qurumlar bu gün dövlətin zəmanət verdiyi insanların iqtisadi, ərzaq və fiziki təhlükəsizliyini təmin edə biləcəkmi?

Nicat