2024-cü ilin yanvar ayı ərzində Azərbaycana daxili yanma mühərriklə yanaşı elektrik mühərriklə də hərəkətə gətirilən 1235 ədəd nəqliyyat vasitəsi gətirilib.

Valyuta.az Dövlət Gömrük Komitəsinə istinadən xəbər verir ki, bu sayda avtomobilin dəyəri 40 milyon 205 min ABŞ dolları olub. 

Hibrid avtomobillərin sayı ötən ilin eyni ayı ilə müqayisədə 302 ədəd (32.3%), onlara xərclənən pul isə 19 milyon 145 min ABŞ dolları (90.9%) çox olub. 

2023-cü ilin ilk ayında bu avtomobillərin sayı 933 ədəd, dəyəri isə 21 milyon 59 min ABŞ dolları olub.

Əvəz Həsənov