Yanvar ayında Azərbaycana xarici ölkələrdən 16 milyon 283 min ABŞ dolları dəyərində buğda gətirilib.

Valyuta.az Dövlət Gömrük Komitəsinə istinadən xəbər verir ki, bu dəyərdə məhsulun miqdarı 70 min 145 ton olub. Bu, 2019-cu ilin yanvar ayı ilə müqayisədə dəyəri ifadəsi ilə 7 milyon 407 min ABŞ dolları (31.2%), miqdar ifadəsi ilə 39 min 510 ton (36%) azdır. 2019-cu ilin yanvar ayında bu rəqəm 23 milyon 690 ABŞ dolları dəyərində 109 min 655 ton miqdarında olub.

Yanvar ayında xaricdən aldığımız buğdanın bir tonu üçün 232 ABŞ dolları ödəmişik ki, bu da son beş ildə 16 ABŞ dolları, yaxud da 7.4% bahalaşıb. 2019-cu ildə bu, 216 ABŞ dolları olub.

Bu miqdarda buğda 2024-cü ilin yanvar ayının idxalının 1.43 faizini təşkil edib ki, bu da son 5 illə müqayisədə 0.89 faiz azdır. 2019-cu ilin ilk ayında buğda idxalı ümumi idxalın 2.32 faizi qədər olub.

Əvəz Həsənov