“Bunun əsas səbələrindən biri tələbatdır. Yəni, ölkə əhalisinin çox hissəinin paytaxtda cəmləşməsidir. Bu, o deməkdir ki, bu xidmət daha çox paytaxta lazımdır”.

Valyuta.az xəbər verir ki, bunu iqtisadçı Rauf Qarayev bildirib. O, qeyd edib ki, sonrakı məsələlərdən biri də iş yerlərinin paytaxtda daha çox olmasıdır:

“İş yerləri dedikdə, bankların verdiyi kreditin geri qaytarılma ehtimalı paytaxtda daha çoxdur. Bundan əlavə gəlir də, paytaxtda daha çoxdur. Bu səbəbdən banklar əsasən paytaxtda cəmləşib. Digər bir məsələ də binaların bölgələrdə az tikilməsidir. İpotekanın verilməsi baxımdan banklar bölgələrdə filiallarını açıb, oradan xeyir götürə bilmir. Səbəb isə binaların bölgələrdə az tikilməsidir. Mənzillərin girov müqaviləsində yüksək kredit verilə bilmir. Çünki, rayonlarda mənzillərin qiyməti çox aşağıdır”.

“Banklar haqqında qanuna nəzər yetirsək, görərik ki, filial, şöbə, nümayəndəlik bir-birindən fərqli anlayışlardı. Bu baxımdan məsuliyyətlər və iş prinsipləri, işçilərin saxlanması üçün çəkilən xərclərdə fərqlidir” – deyə, o, qeyd edib.

1. Bankın filialı - hüquqi şəxs olmayan, bankın olduğu yerdən kənarda yerləşən, öhdəlikləri üçün bankın özünün məsuliyyət daşıdığı, banka icazə verilmiş bank fəaliyyətinin hamısını və ya bir hissəsini həyata keçirə bilən bankın ayrıca bölməsidir.

2. Bankın şöbəsi - hüquqi şəxs olmayan, bankın olduğu yerdən kənarda yerləşən, öhdəlikləri üçün bankın özünün məsuliyyət daşıdığı, onun respublika ərazisində depozitlər cəlb edən və/və ya köçürmə, hesablaşma-kassa əməliyyatları aparan ayrıca bölməsidir.

1.0.6. Bankın nümayəndəliyi - hüquqi şəxs olmayan, bankın olduğu yerdən kənarda yerləşən, bank fəaliyyəti ilə məşğul olmağa hüququ olmayan, yalnız onun mənafelərini təmsil və müdafiə edən bankın ayrıca bölməsidir.

Əvəz Həsənov