Bu ilin yanvar ayında Azərbaycana 3 min 704 ton əczaçılıq məhsulları gətirilib.

Valyuta.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 45 milyon 482 min ABŞ dolları olub. Bu rəqəm 2023-cü eyni ayı ilə müqayisədə miqdar ifadəsi ilə 1 min 574 ton (73.8%) çox, dəyər ifadəsi ilə 25 milyon 917 min ABŞ dolları (36.2%) az olub. Ötən ilin yanvar ayında bu rəqəm 2 min 130 ton miqdarında 71 milyon 399 min ABŞ dolları dəyərində olub.

Yanvar ayında ölkəyə gətirilən əczaçılıq məhsulları ümumi idxalın 5.05 faizini təşkil edib.

Əvəz Həsənov