Cənubi Koreya Rusiya və Belarusa ikili təyinatlı malların ixracına nəzarəti gücləndirəcək. 

Valyuta.az xəbər verir ki, bu barədə Yonhap agentliyi məlumat yayıb.

Agentliyin məlumatına görə, Cənubi Koreyanın Ticarət, Sənaye və Energetika Nazirliyi  Rusiya Federasiyası və Belarusiyaya çatdırılması qadağan edilən malların siyahısını 682 adda genişləndirib. Buraya "faktiki və ya potensial hərbi istifadəyə malik" məhsullar daxildir.

Məhdudiyyətlər fevralın 24-dən qüvvəyə minəcək. Siyahıda hazırda 1159 maddə var. Bu dəfəki məhdudlaşdırıcı siyahıya akkumulyatorlar, təyyarə komponentləri və mexanizmləri, ağır tikinti texnikası və hətta mühərrik həcmi 2000 kubmetr santimetr və ya daha çox olan işlənmiş avtomobillər daxil edilib.

Koreya hökumət rəsmisi Yonhap-a deyib: “Bu, beynəlxalq ictimaiyyətlə əlaqələndirilmiş siyasətdir”.

Qeyd edək ki, fevralın 11-də  Rusiya Xarici İşlər Nazirliyi Cənubi Koreyanın Rusiya bazarına qayıtmaq istəyini açıqlamışdı.

Nicat