Qaz İxrac Edən Ölkələr Forumunun (GECF) proqnozlarına görə, 2024-cü ildə qlobal qaz hasilatı 2023-cü illə müqayisədə 2,8% artaraq 4,162 trilyon kubmetr təşkil edə bilər. 

Valyuta.az xəbər verir ki, bu barədə m.Praym yazır.

Ümumi həcmin təxminən 1/3-i Şimali Amerikadan, 1/5-i isə MDB ölkələrindən gələcək. ABŞ və Kanadadan hasilatın 1,305 trilyon kubmetrinin, MDB-dən 817 milyard kubmetrinin təşkil ediləcəyi gözlənilir. 

Mütləq rəqəmlərlə müqayisədə ən böyük artım MDB (+33 milyard kubmetr), Şimali Amerika (+26 milyard) və Yaxın Şərqdə (+23 milyard) proqnozlaşdırılır.

2023-cü ildə qlobal qaz hasilatı cəmi 0,8% artaraq 4,048 trilyon kubmetrə çatıb. Hasilatı ən çox ABŞ, Yaxın Şərq və Asiya-Sakit okean regionu ölkələri artırıb.

ABŞ-da artım səmt qazının istehsalının artması hesabına 42 milyard kubmetr təşkil edib.

Paşa Məmmədli