![](https://valyuta.az/file/articles/2024/02/09/1707478129_6.jpg)
"Kia" 2025 model "Carnival" minivenini təqdim etdi (FOTOLAR)
Amerikanın Çikaqo şəhərindəki avtosalonda yenilənmiş "Kia Carnival" miniveninin 2025-ci il modelinin premyerası baş tutub.
Valyuta.ax xəbər verir ki, bu barədə motor1.com məlumat yayıb.
Avtomobil gündüz işıqları olan şaquli LED faraları ilə təmin edilib. Modeldə yeni radiator barmaqlığı da var. Bamperlərin forması da dəyişib. Avtomobil həmçinin yeni dizaynlı yüngül lehimli disklər alıb.
"Kia Carnival" 8 pilləli avtomatik transmissiya ilə birləşdirilmiş 287 at gücü hasil edən 3,5 litrlik benzin mühərriki ilə təqdim olunur.
Miniven həmçinin 1,6 litrlik benzin turbo mühərrik və elektrik mühərrikindən ibarət hibrid güc aqreqatı ilə də təklif olunacaq. Sistemin ümumi gücü 242 at gücünə bərabərdir. Transmissiya 69 pilləli avtomatikdir.
Yenilənmiş 2025 "Kia Carnival"ın satışı bu yay ABŞ-da başlayacaq.
Paşa Məmmədli
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay