2023-cü ildə şifrələmə viruslarının operatorları bütün dünyada 1 milyard dollardan çox "qazanıblar".

Valyuta.az xəbər verir ki, "Bloomberg" bu barədə "Chainalysis" analitik firmasının yeni hesabatına istinadən yazıb.

2022-ci ildə hakerlər 567 milyon dollar oğurlayıblar, bu o deməkdir ki, 2023-cü ildə kibercinayətkarların ümumi qazancı demək olar iki dəfə artıb.

Analitiklərin fikrincə, bu cür sürətli böyüməyə hücum edənlərin "böyük oyun" deyilən ov strategiyasına keçməsi kömək edib. Bu, daha az hücum həyata keçirməyə və eyni zamanda böyük şirkətlərdən eyni vaxtda daha böyük məbləğdə fidyə almağa imkan verir.

2023-cü ildə neft və qaz şirkəti "Shell", ABŞ hökumət təşkilatları, "British Airways", "Caesars Entertainment" kazinosu və digərləri hakerlərin ən böyük qurbanları arasında olub. Eyni zamanda, ən böyük fidyələri "Maxin Network", "Euler Finance", "Multichain" və başqaları kimi daha az tanınan şirkətlər ödəyib. Hakerlər onlardan müvafiq olaraq 200 milyon, 197 milyon və 126 milyon dollar alıblar.

"Chainalysis"in məlumatına görə, 2023-cü ildə virus operatorlarının hücumlarından ümumi zərər 1,8 milyard dollar təşkil edib.

Paşa Məmmədli