Yanvar ayında birjalarda kakao paxlasının qiyməti tarixi maksimuma çatıb. 2023-cü ilin əvvəli ilə müqayisədə fyuçers qiymətləri 60-70% artıb. 

Valyuta.az xəbər verir ki, bu barədə Lenta.ru yazır.

Dünya birjalarında kakao paxlasının qiymətinin rekord dərəcədə artması Rusiyada tünd şokolad qıtlığı təhlükəsi yaradır. İstehsalçılar şokolad məhsullarının qiymətlərinin 60-70% arta biləcəyi barədə xəbərdarlıq edirlər. Nəşr yazır ki, bu, Afrika ölkələrində iqlim dəyişikliyi fonunda məhsul qıtlığı səbəbindən xammalın qiymətinin kəskin artması ilə bağlıdır.

Ən böyük şokolad tədarükçüsü Barry Callebaut artıq ilin əvvəlindən 20% qiymət artımı elan edib. Rusiya istehsalçıları da şokoladın qiymətinin 60-70% arta biləcəyi barədə xəbərdarlıq edirlər. Kakaonun payının yüksək olduğu tünd şokoladın qiymətləri xüsusilə güclü artacaq.

Mənfəəti qorumaq üçün istehsalçılar kakao yağını daha ucuz yağlarla əvəz etməklə keyfiyyətə qənaət edə bilərlər. Agentlik qeyd edir ki, şokoladın tərkibindəki kakaonun faizini də azaltmaq mümkündür.

FMCG bazarının müstəqil eksperti Aleksandr Anfinogenov qiymətlərin kəskin artması ilə əlaqədar istehlakçıların şokolad alışını azalda biləcəyini istisna etməyib. Nəticədə onun Rusiyada istehsalı yaxın illərdə ciddi şəkildə azala bilər.

Nicat