"Meta"nın rəhbəri və təsisçisi Mark Zukerberqə şirkətin dividend ödənişindən əldə etdiyi gəlir 2024-cü ildə təxminən 700 milyon dollar ola bilər.

Valyuta.az xəbər verir ki, bu barədə "Bloomberg" məlumat yayıb.

Mart ayından etibarən şirkət A və B sinifli adi səhmlər üzrə hər rübdə bir səhm üçün 50 sent dividend ödəyəcək. Zukerberq "Meta"nın təxminən 350 milyon səhminə sahibdir. Beləliklə, hər 3 aydan bir korporasiyanın təsisçisi rüblük ödəniş şəklində vergilərdən əvvəl təxminən 175 milyon dollar alacaq.

"Bloomberg" analitikləri bildiriblər ki, "Meta"nın dividend ödəmək qərarı şirkətin böyümə potensialına baxışı haqqında müsbət siqnal göndərir. Tez-tez sürətlə inkişaf edən texnologiya şirkətləri yeni məhsullar hazırlamaq və ya bahalı alışlar etmək üçün mənfəətdən istifadə etmək lehinə dividendlərdən qaçırlar.

"Meta" 2023-cü ildə təxminən 21.000 nəfəri işdən çıxardıqdan və prioritetlərini daraltdıqdan sonra şirkətin səhmləri təxminən 3 dəfə bahalaşıb. 

Paşa Məmmədli