Yeddiqat dünya çempionu britaniyalı Lyuis Hamiltonun 2025-ci ildən Formula 1 sinfində zavod komandası üçün mübarizə aparacağı xəbərindən sonra İtaliyanın avtomobil istehsalçısı Ferrari-nin səhmləri Nyu York Birjasında 13%-dən çox bahalaşıb. 

Valyuta.az xəbər verir ki, bu barədə TASS məlumat yayıb.

Fevralın 1-də ticarət sessiyası başlayandan şirkətin səhmləri 13,15% artaraq 1 səhm üçün 391,42 dollar təşkil edib. Bakı vaxtı ilə saat 23:44-ə olan məlumata görə, “Ferrari”nin səhmləri buna qədər 388,93 dollara satılırdı.

Bildirilir ki, səhm qiyməti, o cümlədən maliyyə hesabatlarının dərci hesabına artıb, ona görə konsernin 2023-cü maliyyə ili üçün gəliri 17,2% artıb.

Fevralın 1-də məlum olub ki, Formula 1-in yeddiqat çempionu britaniyalı Lyuis Hamilton “Mercedes” komandasını tərk edərək “Ferrari” ilə müqavilə imzalamaq qərarına gəlib. Hamilton 2013-cü ildən “Mercedes”i təmsil edirdi.

O öz karyerasını “Ferrari”də başa vurub İtaliya komandası ilə səkkizinci titulunu almaq istədiyini etiraf edib.

Nicat