“Azsığorta” Açıq Səhmdar Cəmiyyəti (ASC) “Ukrayna Meydanı” Mənzil-Tikinti Kooperativini məhkəməyə verib. 

Valyuta.az xəbər verir ki, ASC-nin iddiasına Xətai Rayon Məhkəməsində baxılacaq. 

İlahə Abbasova iş üzrə hakim təyin edilib. 

Məhkəmə çəkişməsinin səbəbi sığorta müqaviləsi üzrə mübahisələrdən ibarətdir. 

“Azsığorta” ASC MTK-dan subroqasiya qaydasında pul edir. 

Subroqasiya hüququ tələb hüququnun ötürülməsidir. Yəni, sığortaçı zərəçəkmişə dəyən zərərin məbləğini ödədikdən sonra ziyan vuran şəxs qarşısındakı tələb hüququ avtomatik olaraq sığortaçıya keçir. 

Subroqasiya hüququ Mülki Məcəllə və "İcbari sığortalar haqqında" Qanunla tənzimlənir.

“Ukrayna Meydanı” MTK inşaat şirkəti olduğundan güman edilir ki, mübahisə daşınmaz əmlakla bağlıdır. 

“İcbari Sığortalar haqqında” Qanunun 49-cu maddəsindən aydın olur ki, daşınmaz əmlakla bağlı subroqasiya hüququndan o zaman istifadə edilə bilər ki, sığortalının və ya sığorta olunanın, yaxud onların nümayəndəsinin əmlakı (binanı, tikilini, avtonəqliyyat vasitəsini, cihazı, qurğunu, avadanlığı və s.) alkoqol, narkotik və ya toksikoloji sərxoşluq vəziyyətində istismar etməsinin, o cümlədən inşaat, təmir, yenidənqurma və ya digər işlərin aparılmasının müvafiq hadisənin baş verməsinə şərait yaratması sübut edilmiş olsun.

“Ukrayna Meydanı” MTK 5 dekabr 2001-ci ildə qeydiyyata alınıb. Nizamnamə kapitalı 20 000 AZN olan şirkətin qanuni təmsilçisi Quliyev Arif Yunis oğludur. 

“Azsığorta” ASC-yə gəlincə, şirkət 2006-cı ildə dövlət qeydiyyatına alınıb. ASC-nin nizamnamə kapitalı 20 300 000 AZN, qanuni təmsilçisi Soltanov Yusif Rəhim oğludur.

ASC-nin sahibi isə İsmayılov Hikmət Abuzər oğludur. Hikmət İsmayılov fövqəladə hallar naziri Kəmaləddin Heydərovun bacanağıdır. O, eyni zamanda "AFB Bank”ın səhmlərinin 99 faizinin sahibidir.

Hüseyn