Azərbaycan Qida Təhlükəsizliyi İnstitutu (AQTİ) “Sem-Az” MMC ilə maliyyə dəyəri 106 200 AZN təşkil edən satınalma müqaviləsi bağlayacaq. 

Valyuta.az xəbər verir ki, şirkət AQTİ-nin laboratoriyalar üçün standartların satın alınması ilə bağlı keçirdiyi tenderinin qalibi seçilib. 

"SEM-AZ” MMC 15 may 2009-cu ildə qeydiyyata alınıb. Nizamnamə kapitalı 100 AZN olan şirkətin hüquqi ünvanı Bakı şəhəri Nəsimi rayonu, Akademik Mustafa Topçubaşov küçəsi, ev 21, mənzil 37-də yelrəşir. MMC-nin qanuni təmsilçisi Məmmədov Anar Firkət oğludur.

Anar Məmmədov həm də "SEM-AZ Laboratoriya Cihazları” MMC-nin qanuni təmsilçisidir. Onun barəsində açıq mənbələrdə heç bir məlumat yoxdur. "SEM-AZ” MMC-yə gəlincə, mediada gedən məlumatlarda şirkət "Arash Medical” MMC-yə yaxın şirkət hesab edilir.

Mediada gedən məlumatlara görə, “Arash Medical” MMC keçmiş spiker Oqtay Əsədovun qardaşı oğlu Cavid Əsədovundur. Bu halda “Sem-Az” MMC-nin də ona məxsus olduğuna şübhələr yaranır. 

Hüseyn