“Mozaik Qrup” MMC gömrük qaydaları əleyhinə inzibati xəta törətməkdə ittiham edilir. 

Valyuta.az xəbər verir ki, şirkət barəsində İnzibati Xətalar Məcəlləsinin 485.2-ci (Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsi) maddəsi ilə iş başlanıb. 
İşə Səbail Rayon Məhkəməsində baxılacaq. 

Fevralın 7-nə iş üzrə məhkəmə baxış iclası təyin edilib. 

İclas hakim Ülviyyə Şükürovanın sədrliyi ilə keçiriləcək. 

485.2-ci maddədə vəzifəli şəxslərin min manat məbləğində, hüquqi şəxslərin isə  min beş yüz manat məbləğində cərimə edilməsi nəzərdə tutulur. 

Hüseyn