“Bank Avrasiya” ASC 2023-cü ili 6 milyon 621 min manat xalis mənfəətlə başa vurub.

Valyuta.az bankın maliyyə hesabatına istinadən xəbər verir ki, bu, 2022-ci illə müqayisədə 3,6 dəfə çoxdur. 

“Bank Avrasiya” nın gəlirləri 18 milyon 587 min manat təşkil edib, bu, illik müqayisədə 20% çoxdur. 

2023-cü ildə “Bank Avrasiya” nın faiz gəlirləri 2022-ci illə müqayisədə 23,7% artaraq 15 milyon 780 min manat təşkil edib.   

Bankın qeyri-faiz gəlirləri 2022-ci illə müqayisədə 2023-cü ildə 1,2% artaraq 2 milyon 807 min manat təşkil edib.

“Bank Avrasiya”nın 2023-cü ildə faiz xərcləri 43,2% artaraq 3 milyon 128 min manat təşkil edib, bankın qeyri-faiz xərcləri 21,5% artaraq 8 milyon 424 min manat olub. 

Bu il yanvarın 1-nə “Bank Avrasiya”nın aktivləri 184 milyon 538 min manat olub ki, bu da 1 il əvvələ nisbətən 17,7 %, yaxud da 39 milyon 731 min manat azdır. 

Hesabat dövründə “Bank Avrasiya”nın öhdəlikləri 30,8%, yaxud da 46 milyon 362 min manat azalaraq 104 milyon 099 min manat olub.

Nara