Bu ilin doqquz ayında təkrar gəlirlər üzrə xarici ölkələrlə aparılan əməliyyatların ümumi həcmi 1.9 milyard dollar məbləğində qiymətləndirilib.

Valyuta.az xəbər verir ki, bu barədə Mərkəzi Bankın məlumatında bildirilir.

Məlumata görə, daxilolmalar 1.4 milyard dollar, ödənişlər isə 0.5 milyard dollar təşkil edib.

“Təkrar gəlirlər üzrə ümumi daxilolmaların 93.2 faizini xarici ölkələrdən fiziki şəxslərin pul baratları, 5.8 faizini ölkəyə gətirilən humanitar malların və digər yardımların həcmi, 1.0 faizini isə digər daxilolmalar təşkil edir. Ölkəyə göndərilən pul baratlarının həcmi 53.9 faiz azalaraq 1.3 milyard dollar, ölkədən köçürülən pul baratlarının həcmi isə 23 faiz azalaraq 0.4 milyard dollar olub. Nəticədə pul baratları üzrə 0.9 milyard dollar müsbət saldo yaranıb”, - deyə məlumatda vurğulanıb.