BKF bankının analitiki Maksim Osadçinin proqnozuna görə, 2024-cü ilin sonunda Rusiyanın "Urals" neftinin qiyməti təxminən 65 dollar/barel olacaq. 

Valyuta.az xəbər verir ki, bu barədə "Prime" məlumat yayıb.

"ICE birjasındakı kotirovkalara əsaslanaraq, biz güman edə bilərik ki, gələn ilin sonuna kimi "Brent" markalı neftin bir barelinin qiyməti 75 dollar olacaq. Onunla "Urals" arasındakı fərq təxminən 10 dollara qədər azalacaq. Bu o deməkdir ki, "Urals" 65 dollara qədər bahalaşacaq”, deyə analitik bildirib.

Rusiya Maliyyə Nazirliyinin məlumatına görə, noyabrda Rusiya neftinin orta qiyməti ixrac rüsumları nəzərə alınmaqla bir barel üçün 72,8 dollar təşkil edib. Bundan əlavə, analitik rublun məzənnəsinin dinamikası ilə bağlı proqnoz verib. Onun sözlərinə görə, 2024-cü ildə bir dollar üçün 100 rubl səviyyəsinin qırılacağı ehtimalı var.

"200 rubl səviyyəsinə çatmaq mümkün deyil", deyə Osadçi bildirib.

Paşa Məmmədli