“Honda Motor” avtomobil konserni yanacaq sistemindəki problemlərə görə daxili bazarda satılan 1 milyondan çox avtomobili geri çağırmaq qərarına gəlib. 

Valyuta.az xəbər verir ki, bu barədə “Mainichi” qəzetinə istinadən məlumat yayıb.

Qeyd olunur ki, 2017-ci ilin iyunundan 2020-ci ilin sentyabrına qədər satılan 25 fərqli modeldən cəmi 1,13 milyon avtomobil geri çağırılmalıdır. Yanacaq pompası ilə bağlı problemlər mühərrikin təsadüfi bağlanmasına səbəb ola bilər.

Bu günə qədər Yaponiya Nəqliyyat Nazirliyi bu modellərdə mühərrikin özbaşına dayanması ilə bağlı 394 hadisədən xəbərdardır, lakin bu nasazlıqla bağlı heç bir qəza qeydə alınmayıb.

Bundan əvvəl məlum olmuşdu ki, "Toyota Motor" Çin bazarından 570 min avtomobili təmir üçün geri çağıracaq. Geri çağırma kampaniyasına səbəb həm də yanacaq sistemində nasazlıq olub.

Paşa Məmmədli