2023-cü ilin yanvar-noyabr ayları üçün Rusiya Federasiyasının federal büdcəsinə neft və qaz gəlirləri üzrə 8,22 trilyon rubl daxil olub ki, bu da bir il əvvəlkindən 22,8% azdır. 

Valyuta.az xəbər verir ki, bu barədə Maliyyə Nazirliyinin saytı məlumat yayıb.

“Neft və qaz gəlirləri 8,226 milyard rubl təşkil edib və illik müqayisədə 22,8% azalıb ki, bu da ötən ilin yüksək müqayisəli bazası, ilin əvvəlində Urals neftinin qiymətinin aşağı düşməsi, təbii qaz ixracının həcminin azalması və neftin qiymətinin aşağı düşməsi ilə bağlıdır", deyə sənəddə qeyd edilir.

Eyni zamanda, neft-qaz sektoruna aid olmayan gəlirlər ötən ilin göstəriciləri ilə müqayisədə 25,6% artaraq 17,737 trilyon rubl təşkil edib.

Rusiyanın Urals markalı xam neftinin qiyməti qlobal neft qiymətlərinin düşməsi fonunda iyul ayından bu yana ilk dəfə olaraq G7 tavanının 60 dollarından aşağı düşüb. Rusiyanın da daxil olduğu OPEC+-ın 2024-cü ilin birinci rübündə hasilatı azaltmaq qərarına baxmayaraq, Urals neftinin dəyəri istinad qiymətlərinə nisbətən endirim səbəbindən azalmağa davam edir.

Paşa Məmmədli