Nyu York və Kolumbiya Universitetindən olan  amerikalı professorlar 2023-cü ilin oktyabrında HƏMAS-ın İsrailə raket hücumundan əvvəl Tel-Əviv Birjasında ticarəti təhlil edib və belə nəticəyə gəliblər ki, bir sıra treyderlərin qarşıdan gələn hücumdan xəbəri olub və bu prosesdən yüz milyonlarla dollar qazanıblar. 

Bu barədə məlumat Royters yazıb.

Tədqiqatçıların fikrincə, İsrail səhmlərində və opsionlarında qısa mövqelər hücumdan əvvəlki günlərdə kəskin şəkildə artıb. Bu, bazar böhranından sonra ölkənin ən böyük bankı Leumi-nin səhmlərindən 862 milyon dollar gəlir əldə etməyə imkan verib.

"Nəticələrimiz göstərir ki, treyderlər bu faciəli hadisələrə qarşı gözlənilən hücumlar barədə məlumatlandırılıblar və əvvəlki ədəbiyyata uyğun olaraq, biz göstəririk ki, bu cür ticarət ABŞ-dakı boşluqlar və məlumatlı ticarətlə bağlı beynəlxalq qanuni qadağaların tətbiqi səbəbindən baş verir" - nəşr tədqiqatın müəlliflərindən sitat gətirir.

İqtisadçıların fikrincə, treyderlərin bu davranışı yaxınlaşan hücumla bağlı məxfi məlumatlardan istifadəni göstərir. Qısa mövqelərdə oxşar artım HƏMAS-ın İsrailə hücum etməyi planlaşdırdığına dair xəbərlərin ilk dəfə ortaya çıxdığı aprel ayında müşahidə edilib.

İnsayder məlumatlarından istifadə etməklə mümkün qeyri-qanuni ticarət işi İsrail tənzimləyicisi tərəfindən nəzarətə götürülüb. Polis də araşdırma aparır.

Nicat