Vyetnamda təxminən beş aydır şiddətli baş ağrısından əziyyət çəkən bir nəfər maraqlı hadisə ilə üzləşib. 

Valyuta.az xəbər verir ki, baş ağrısı ilə Donq Hoy şəhərindəki Kuba Dostluq Xəstəxanasına müraciət edən 35 yaşlı xəstə görmə pozğunluğundan, burun-boğaz axıntısından əziyyət çəkməsindən şikayətlənib. Yerli mətbuatda yer alan xəbərə görə, tam adı açıqlanmayan şəxs kompüter tomoqrafiyasından keçirilib. Müayinəsindən sonra xəstəyə, adətən güllə, onurğa və bıçaq yaraları kimi şərtlərdən doğan kəllə travması diaqnozu qoyulub.

Sonradan həkimlər müəyyən ediblər ki, bu xəstəliyin səbəbi bir cüt yemək çubuğunun kişinin burnuna girərək beyninə çatması olub. “New York Post”un xəbərinə görə, beynində çubuqların olduğunu öyrəndikdən sonra şoka düşən şəxs beş ay əvvəl sərxoş halda dava etdiyini xatırlayıb. Xəstəxananın neyrocərrahiyyə şöbəsinin müdiri Dr. Nguyen Van Man, bu hadisəyə çox nadir hallarda şahidlik etdiyini söyləyib. Dava etdiyi günün təfərrüatlarının yaddaşında qalmadığını deyən şəxs onun üzünə kiminsə bıçaq zərbəsi vurduğunu bildirib. Lakin davadan dərhal sonra təcili yardıma müraciət edən şəxsin burnunda nə çubuq, nə də başqa anormallıq müşahidə olunub. Dava zamanı bıçaqlandığını düşünən xəstənin burnuna çubuqlar ilişib. Yoxlamalardan sonra çubuqlar əməliyyat vasitəsilə xəstənin başından uğurla çıxarılıb. 

Xəstənin vəziyyətinin hazırda stabil olduğu bildirilib.

Elmir