BMT-nin baş katibi Antonio Quterreş 2023-cü ilin tarixin ən isti ili olduğunu və bəşəriyyətin iqlimin çökməsi ilə üzləşdiyini bildirib. 

Valyutaı.az xəbər verir ki, o, bu barədə BMT-nin İqlim Dəyişikliyi üzrə Çərçivə Konvensiyasının (COP28) 28-ci Tərəflər Konfransının iştirakçılarına videomüraciətində bildirib.

“İlin sonuna bir ay qalmış biz artıq 2023-cü ilin bəşər tarixində ən isti il ​​olduğunu elan edə bilərik. Biz real vaxtda iqlimin çöküşünü yaşayırıq, bunun nəticələri dağıdıcıdır”, deyən Quterreş bunun dünya liderlərini hərəkətə keçməyə təşviq etməli olduğunu vurğulayıb.

Ümumdünya Meteorologiya Təşkilatının cümə axşamı açıqladığı ilkin hesabata görə, oktyabrın sonunda orta qlobal temperatur sənayedən əvvəlki səviyyədən 1,4 dərəcə yuxarı olub.

BMT-nin məlumatına görə, 2016 və 2020-ci illərdə müəyyən edilmiş əvvəlki rekordlarla fərq artıq o qədər böyükdür ki, noyabr və dekabr ayları üçün məlumatlar ümumi vəziyyəti dəyişməyəcək.

Bundan əvvəl “The Lancet Regional Health - Europe” elmi jurnalı Barselona Qlobal Sağlamlıq İnstitutunun (ISGlobal) alimlərinin 2022-ci ildə Avropada baş verən isti dalğasının 70 mindən çox insanın həyatına son qoyduğunu bildirən araşdırmasını dərc edib.

Paşa Məmmədli