Rusiyanın dövlət borcu bu ilin doqquz ayında 11,6% artıb, lakin borc vəsaitləri sayəsində büdcə kəsiri iki dəfə azalıb.

Valyuta.az xəbər verir ki, Rusiyanın dövlət borcu ümumi daxili məhsulunun (ÜDM) 17 faizinə bərabərdir.

Qeyd olunur ki, nəzərəçarpacaq artıma baxmayaraq, dövlət borcu hələ də ÜDM-in 20%-i daxilində qalır. Rusiya Hesablama Palatasının məlumatına görə, hələ də ən az dövlət borcu olan dövlətlər sırasındadır.

Maliyyə Nazirliyinin məlumatına görə, Rusiya büdcəsinin yekun kəsiri ÜDM-in 1 faizi həcmində qiymətləndirilir. İdarənin rəisi Anton Siluanovun sözlərinə görə, bu cür göstəricilər digərləri ilə yanaşı, yaxşı qeyri-neft və qaz gəlirləri sayəsində əldə edilib.

Bundan əlavə, Rusiya iqtisadiyyatı investorlar üçün cəlbedici olaraq qalır, buna görə də investisiyalar büdcəni doldurur. Ekspertlərin fikrincə, federal istiqrazlar indi xüsusilə cəlbedicidir.

Öz növbəsində, Rusiya İqtisad Universitetinin İqtisadiyyat kafedrasının dosenti Aleksandr Timofeyev dövlət borcunun mülayim artımını büdcə kəsirinin aşağı olması ilə izah edir. O əlavə edib ki, Qərbin sanksiya təzyiqlərinə baxmayaraq, Rusiya hakimiyyəti mühüm layihələri və sənayeləri maliyyələşdirir ki, bu da iqtisadi inkişaf üçün əlverişli şərait yaradır. Bu baxımdan Timofeyev dövlət borcunun artımını müsbət qiymətləndirir.

O, əlavə edir ki, Moskva investisiya cəlbediciliyini itirməkdən qorxmamalıdır, çünki rubla təzyiq nəticəsində Rusiyada istehsal sərfəli mövqedə qalır və bu, xarici korporasiyaları əməkdaşlıq haqqında düşünməyə vadar edir.

© Marja