Avropa İttifaqının birtərəfli qərarından sonra dondurulmuş Rusiya aktivlərinin istifadəsi avronun bir valyuta kimi reputasiyası üçün risklər daşıyacaq. 

Valyuta.az “Bloomberg”ə istinadən xəbər verir ki, bu barədə Avropa Mərkəzi Bankının vitse-prezidenti Luis de Quyndos bildirib.

Bankirin nəşrə müsahibəsində qeyd etdiyi kimi, sanksiyaların bir hissəsi kimi ələ keçirilən G7 səviyyəsində razılaşdırılmalıdır. ECB-nin məlumatına görə, Moskvanın 200 milyard avrodan çox idarəedici aktivləri avrozonada bloklanıb.

Vitse-prezident vurğulayıb ki, avro dünya bazarında ikinci vacib valyutadır və birtərəfli addımlar ona olan etimadı sarsıda bilər. Bankirin fikrincə, Ukraynanı bərpa etmək üçün başqa yolla vəsait tapmaq daha yaxşıdır.

Eyni zamanda, Aİ müsadirə olunan aktivlərə “mənfəət vergisi” tətbiq etmək və əldə olunan gəlirləri Kiyevin ehtiyaclarına yönəltmək planlarını müzakirə edir. Bununla belə, ECB daha əvvəl belə bir qərarın uzunmüddətli mənfi nəticələrə səbəb ola biləcəyi ilə bağlı narahatlığını ifadə etmişdi.

Paşa Məmmədli