Noyabrda Rusiyanın topdansatış bazarında mayeləşdirilmiş neft qazının (LPG) qiyməti Ural və Sibirdə bir ton üçün 33,7 min rubla qədər artıb. Ölkənin Avropa hissəsində isə bu rəqəm 35,7 min rubl təşkil edib.

Valyuta.az xəbər verir ki, bu barədə yazır.

Nəşr qeyd edir ki, cari qiymətlər 2023-cü ilin əvvəlinə olan orta qiymətlərdən 5,8 dəfə yüksəkdir. Eyni zamanda, bu qiymətlər bir ton LPG-nin təxminən 33 min rubla başa gəldiyi 2021-ci ilin noyabr ayı səviyyəsinə uyğundur.

2023-cü ilin fevral ayında maye qazın qiyməti son iki ildə minimum olan bir ton üçün 5 min rubla qədər azalıb. Müqayisə üçün qeyd edək ki, mütləq rekord 2021-ci ilin avqustunda 48 min rubl səviyyəsində qeydə alınıb.

Eyni zamanda, nəşrin sorğusunda iştirak edən analitiklər yaxın aylarda LPG-nin qiymətlərinin azalacağını proqnozlaşdırırlar.

Xatırladaq ki, keçən həftənin ortalarında benzin qiymətləri düşüb. Aİ-92-nin qiyməti 3,14% ucuzlaşaraq bir ton üçün 47 661 rubl, Aİ-95-in qiyməti 2,9% ucuzlaşaraq 50 122 rubl/ton olub. Yay dizelinin qiyməti 1,1% azalaraq 56 489 rubl, mövsümdənkənar dizelin qiyməti 0,92% azalaraq 56 225 rubl, qış dizelinin qiyməti 0,68% azalaraq ton üçün 69 304 rubl təşkil edib. Beləliklə, həftənin ortasında, noyabrın 23-də Rusiyanın ən böyük əmtəə birjasında bütün əsas yanacaq növlərinin qiymətləri azalma göstərib.

Nicat